Google One అదనపు సర్వీస్ నియమాలు

మీరు Google One ప్లాన్ మేనేజర్ అయినా, Google Oneను షేర్ చేసుకునే ఫ్యామిలీ గ్రూప్‌లో భాగం లేదా నాన్ మెంబర్ యూజర్ అయినా Google Oneను ఉపయోగించడానికి, యాక్సెస్ చేయడానికి, మీరు తప్పనిసరిగా వీటిని ఆమోదించాలి, (1) Google సర్వీస్ నియమాలు, (2) ఈ Google One అదనపు సర్వీస్ నియమాలు (“Google One అదనపు సర్వీస్ నియమాలు”).

ఈ డాక్యుమెంట్‌లలో ప్రతి ఒక్క దానిని జాగ్రత్తగా దయచేసి చదవండి. ఈ డాక్యుమెంట్‌లు అన్నింటిని కలిపి "నియమాలు" అని పిలుస్తారు. మీరు మా సర్వీస్‌లను ఉపయోగించినప్పుడు మా నుండి మీరు ఏమి ఆశించవచ్చో, మీ నుండి మేము ఏమి ఆశిస్తున్నామో అనే అంశాలను అవి వ్యవస్థాపిస్తాయి.

ఫ్రాన్స్‌లోని Google One కస్టమర్‌లను మినహాయించి, ఈ Google One అదనపు నియమాలకు, Google సర్వీస్ నియమాలకు మధ్య వైరుధ్యం తలెత్తిన పక్షంలో, Google One కోసం ఈ అదనపు నియమాలు వర్తిస్తాయి.

అది ఈ నియమాలలో భాగం కానప్పటికీ, మీరు మా గోప్యతా పాలసీని చదవమని సిఫార్సు చేస్తున్నాము, తద్వారా మీరు మీ సమాచారాన్ని అప్‌డేట్ చేయడం, మేనేజ్ చేయడం, ఎగుమతి చేయడం, అలాగే తొలగించడం ఎలా అనే విషయాన్ని మరింత మెరుగ్గా అర్థం చేసుకోగలరు.

1. Google Oneకు సంబంధించిన సాధారణ వివరణ

మీకు Google సర్వీస్‌లు, సపోర్ట్‌ల కోసం గమ్యస్థానంగా పని చేయడానికి, రివార్డ్‌లు, ఆఫర్‌లను అందించడానికి, కొత్త ఫీచర్‌లు, ప్రోడక్ట్‌లను కనుగొనడానికి Google Oneను Google అందుబాటులో ఉంచుతుంది. Google One ఫీచర్‌లలో Google Drive, Google Photos, Gmail, కొన్ని Google ప్రొడక్ట్‌ల కోసం కస్టమర్ సపోర్ట్ విభాగం, ఫ్యామిలీ షేరింగ్ ఫీచర్‌లు, మొబైల్ బ్యాకప్ రీస్టోర్ Google లేదా థర్డ్ పార్టీల ద్వారా మీకు అందించే ఇతర ప్రయోజనాలు వంటి షేర్ చేయబడిన స్టోరేజ్ ప్లాన్‌లు ఉండవచ్చు. మీరు అదనపు Google ప్రోడక్ట్‌లు లేదా సర్వీస్‌లను వినియోగించే విధానం సదరు ప్రోడక్ట్‌లు లేదా సర్వీస్‌లకు సంబంధించిన సర్వీస్ నియమాలకు కట్టుబడి ఉండాలి. కొన్ని ప్రోడక్ట్‌లు, ఫీచర్‌లు, ప్రయోజనాలు అన్ని దేశాలలో అందుబాటులో ఉండకపోవచ్చు. మరింత సమాచారం కోసం దయచేసి Google One సహాయ కేంద్రాన్ని చూడండి.

2. పెయిడ్ ఖాతాలు - పేమెంట్, సబ్‌స్క్రిప్షన్, రీఫండ్‌లు

పేమెంట్‌లు. Google One ప్లాన్ మేనేజర్‌లు మాత్రమే Google One మెంబర్‌షిప్‌ను కొనుగోలు, అప్‌గ్రేడ్, డౌన్‌గ్రేడ్ లేదా రద్దు చేయవచ్చు. Google Payments ఖాతా ద్వారా గానీ లేదా కొనుగోలు చేయడానికి ముందు సూచించబడిన ఏదైనా ఇతర పేమెంట్ ఆప్షన్ ద్వారా గానీ పేమెంట్‌ను Google అంగీకరిస్తుంది.

సబ్‌స్క్రిప్షన్ రద్దులు. మీరు Google One మెంబర్‌షిప్ కోసం సైన్ అప్ చేసిన తేదీ నుండి Google Payments ఆటోమేటిక్‌గా పేమెంట్‌ను తీసుకుంటాయి, అది రద్దు అయ్యే వరకు Google Oneకు మీ సబ్‌స్క్రిప్షన్ ఆటోమేటిక్‌గా రీ-యాక్టివేట్ చేయబడుతుంది. మీరు ఎప్పుడైనా రద్దు చేయవచ్చు. మీరు మీ సబ్‌స్క్రిప్షన్‌ను రద్దు చేస్తే, అప్పటికే ఉన్న మీ సబ్‌స్క్రిప్షన్‌లోని మిగతా కాలానికి మీరు Google Oneకు యాక్సెస్‌ను కలిగి ఉంటారు. మీరు అదనంగా Google Oneను సర్వీస్ తొలగింపు ద్వారా తొలగించాలని ఎంచుకుంటే, మీరు ఇప్పటికే ఉన్న మీ సబ్‌స్క్రిప్షన్‌లోని మిగతా వ్యవధికి రీఫండ్ లేకుండా వెంటనే Google One సర్వీస్‌లు, ఫంక్షనాలిటీకి యాక్సెస్ కోల్పోవడానికి అంగీకరిస్తారు. మీరు మీ సబ్‌స్క్రప్షన్‌లోని కాలానికి Google One సర్వీస్‌లను నిలుపుకోవాలని భావిస్తే, దయచేసి Google Oneను తొలగించడం కంటే మీ సబ్‌స్క్రిప్షన్‌ను రద్దు చేయండి.

ఉపసంహరణ హక్కు. మీరు EU లేదా UKలో ఉన్నట్లయితే, మీ Google One మెంబర్‌షిప్‌ను అప్‌గ్రేడ్ లేదా రీ-యాక్టివేట్ చేయడం కోసం మీరు సైన్ అప్ చేసిన 14 రోజుల్లోపు, ఎటువంటి కారణం చెప్పకుండా రద్దు చేసే హక్కు మీకు ఉంటుంది. ఉపసంహరణ హక్కును వినియోగించుకోవడానికి, ఈ కాంట్రాక్ట్ నుండి ఉపసంహరించుకోవాలనే మీ నిర్ణయాన్ని మీరు స్పష్టమైన స్టేట్‌మెంట్ ద్వారా మాకు తెలియజేయాలి.

రీఫండ్‌లు. రీఫండ్ యొక్క అదనపు హక్కుల కోసం, దయచేసి Google Play లేదా మీరు కొనుగోలు చేసిన ప్రొవైడర్ నుండి సంబంధిత పాలసీని చూడండి. మీరు Google నుండి కొనుగోలు చేసినట్లయితే, వర్తించే చట్టం ద్వారా అవసరమైతే తప్ప, ఎలాంటి రీఫండ్‌లు లేదా పాక్షిక బిల్లింగ్ వ్యవధులు అందుబాటులో ఉండవు. Google నుండి కాకుండా మీ iPhone లేదా iPad వంటి వాటిని ఉపయోగించి, మీరు కొనుగోలు చేసినట్లయితే లేదా యాప్ స్టోర్ లేదా ఇతర థర్డ్ పార్టీ ప్రొవైడర్ ద్వారా Google One మెంబర్‌షిప్ కోసం సైన్ అప్ చేసినట్లయితే, ప్రొవైడర్ రీఫండ్ పాలసీ వర్తిస్తుంది. రీఫండ్‌ను రిక్వెస్ట్ చేయడానికి, మీరు ఆ థర్డ్ పార్టీ (ఉదా. Apple సపోర్ట్‌)ని సంప్రదించాల్సి ఉంటుంది.

ధర నిర్ణయంలో మార్పులు. మేము ప్రభావంలో ఉన్న Google One ధర(ల)ను మార్చవచ్చు, కానీ ఈ మార్పుల గురించి మేము మీకు ముందుగా తెలియజేస్తాము. మీ ప్రస్తుత పేమెంట్ వ్యవధి పూర్తయ్యాక, నోటీసు తర్వాత మీరు తదుపరి పేమెంట్ చేయాల్సినప్పుడు ఈ మార్పులు వర్తిస్తాయి. మీకు చార్జీ విధించడానికి కనీసం 30 రోజుల ముందు మేము ధర పెరుగుదల నోటీసును మీకు అందిస్తాము. ఒకవేళ మీకు 30 రోజుల కంటే తక్కువ సమయంలో నోటీసు ఇస్తే, తదుపరి పేమెంట్ పూర్తయిన తర్వాత, మీరు మళ్లీ పేమెంట్ చేయాల్సి వచ్చేంత వరకు ఆ మార్పు వర్తించదు. మీరు Google Oneను కొత్త ధరతో కొనసాగించకూడదని భావిస్తే, మీరు ఏ సమయంలోనైనా Google Play, Apple, లేదా థర్డ్ పార్టీ సబ్‌స్క్రిప్షన్ సెట్టింగ్‌లలో రద్దు లేదా డౌన్‌గ్రేడ్ చేయవచ్చు. వర్తించే పేమెంట్ ప్లాట్‌ఫామ్ నియమాలలో ప్రత్యేకంగా పేర్కొనబడితే తప్ప, ప్రస్తుత సర్వీస్ వ్యవధి ముగిసిన తర్వాత, తదుపరి బిల్లింగ్ వ్యవధికి మీ రద్దు లేదా డౌన్‌గ్రేడ్ వర్తిస్తుంది. ధర పెరిగి, సమ్మతి అవసరమైతే, మీరు కొత్త ధరను అంగీకరించినప్పుడు తప్ప, మీ సబ్‌స్క్రిప్షన్ రద్దు చేయబడవచ్చు. ఒకవేళ మీ సబ్‌స్క్రిప్షన్ రద్దు అయి, తర్వాత మీరు మళ్లీ సబ్‌స్క్రిప్షన్ తీసుకోవాలని నిర్ణయించుకుంటే, మీకు ప్రస్తుత సబ్‌స్క్రిప్షన్ ధర ప్రకారం ఛార్జి విధించబడుతుంది.

3. కస్టమర్ సపోర్ట్ విభాగం

Google One అనేక Google ప్రోడక్ట్‌లు, సర్వీస్‌లలో మీకు కస్టమర్ సపోర్ట్ (“కస్టమర్ సపోర్ట్ విభాగం”) యాక్సెస్‌ను అందిస్తుంది. కస్టమర్ సపోర్ట్ విభాగం మీ సపోర్ట్ విచారణలో మీకు సహాయం అందించలేని పక్షంలో, సదరు Google ప్రోడక్ట్‌కు సంబంధించిన కస్టమర్ సపోర్ట్ సర్వీస్ విభాగానికి మేము మిమ్మల్ని ట్రాన్స్‌ఫర్ చేయవచ్చు లేదా మళ్లించవచ్చు. దేని కోసం రిక్వెస్ట్ చేస్తున్నారో ఆ నిర్దిష్ట Google ప్రోడక్ట్ లేదా సర్వీస్‌కు Google One కస్టమర్ సపోర్ట్‌ను అందించని సందర్భాలలో కూడా ఇది వర్తిస్తుంది. మీ Google One సబ్‌స్క్రిప్షన్ రద్దు లేదా సస్పెండ్ చేయబడితే, పరిష్కారం కాని మీ కస్టమర్ సపోర్ట్ సమస్యలు కూడా సస్పెండ్ కావచ్చు, అలాగే మీ సబ్‌స్క్రిప్షన్‌ను పునరుద్ధరించిన తర్వాత, కొత్త విచారణను ప్రారంభించాల్సి రావచ్చు.

4. పరిమిత హక్కులు గల మెంబర్ ప్రయోజనాలు

మీకు డిస్కౌంట్‌తో లేదా ఎటువంటి ఛార్జీ లేకుండా కంటెంట్‌ను, ప్రోడక్ట్‌లను, సర్వీస్‌లను Google One అందించగలదు (దీన్ని 'పరిమిత హక్కులు గల మెంబర్ బెనిఫిట్‌లు' అంటారు). 'పరిమిత హక్కులు గల మెంబర్ బెనిఫిట్‌లు' అనేవి దేశం, సప్లయ్, వ్యవధి, మెంబర్‌షిప్, లెవెల్ లేదా ఇతర అంశాలను బట్టి పరిమితంగా అందించబడతాయి, అందరు Google One సబ్‌స్క్రయిబర్‌లకు 'పరిమిత హక్కులు గల మెంబర్ బెనిఫిట్‌లు' అందుబాటులో ఉండవు. కొన్ని 'పరిమిత హక్కులు గల మెంబర్ బెనిఫిట్‌లు' Google One ప్లాన్ మేనేజర్ ద్వారా మాత్రమే రిడీమ్ చేయబడతాయి, అయితే, కొన్ని 'పరిమిత హక్కులు గల మెంబర్ బెనిఫిట్‌ల'ను మీ ఫ్యామిలీ గ్రూప్‌లోని మెంబర్‌ల ద్వారా లేదా రిడెంప్షన్‌ను యాక్టివేట్ చేసే మొదటి ఫ్యామిలీ మెంబర్ ద్వారా మాత్రమే రిడీమ్ చేయడం సాధ్యపడుతుంది. కొన్ని 'పరిమిత హక్కులు గల మెంబర్ బెనిఫిట్‌ల'ను చిన్నారులు, యుక్తవయస్కులు, ఇంకా ట్రయల్ యూజర్‌ల Google ఖాతాలతో రిడీమ్ చేయలేరు. ఇతర అర్హత ప్రమాణాలు కూడా వర్తించవచ్చు.

మేము థర్డ్ పార్టీలతో కలిసి పని చేయడం ద్వారా వాటి సర్వీస్‌లు లేదా కంటెంట్‌ను Google Oneలో భాగంగా 'పరిమిత హక్కులు గల మెంబర్ బెనిఫిట్‌ల' రూపంలో మీకు అందించవచ్చు. థర్డ్ పార్టీ ద్వారా అందించబడే పరిమిత హక్కులు గల మెంబర్ బెనిఫిట్‌ను రిడీమ్ చేయడానికి, Google గోప్యతా పాలసీ ప్రకారం మీ రిడెంప్షన్‌ను ప్రాసెస్ చేసేందుకు అవసరమైన ఏదైనా వ్యక్తిగత సమాచారాన్ని థర్డ్ పార్టీకి Google అందించవచ్చని మీరు ఒప్పుకుంటారు. ఏవైనా థర్డ్ పార్టీ 'పరిమిత హక్కులు గల మెంబర్ బెనిఫిట్‌ల'ను మీరు వినియోగించే విధానం అనేది సదరు థర్డ్ పార్టీ వినియోగ నియమాలు, లైసెన్స్ ఒప్పందం, గోప్యతా పాలసీ లేదా ఆ విధమైన ఇతర ఒప్పందానికి కట్టుబడి ఉండాల్సి ఉండవచ్చు.

5. ఫ్యామిలీలు

మీకు ఒకవేళ ఫ్యామిలీ గ్రూప్ ఉన్నట్లయితే, Drive, Gmail, ఇంకా Photos స్టోరేజ్ స్పేస్‌తో సహా నిర్దిష్ట రకాల Google One ఫీచర్‌లను దానితో షేర్ చేయవచ్చు (దీన్ని 'ఫ్యామిలీ షేరింగ్' అంటారు). మీ ఫ్యామిలీ గ్రూప్ కూడా మీకు అందుబాటులో ఉంచే, 'పరిమిత హక్కులు గల మెంబర్ బెనిఫిట్‌ల'ను పొందగలరు, అలాగే రిడీమ్ చేయగలరు. సదరు ఫీచర్‌లను మీ ఫ్యామిలీ గ్రూప్‌తో మీరు షేర్ చేయకూడదనుకుంటే, మీరు Google One కోసం ఫ్యామిలీ షేరింగ్‌ను తప్పక డిజేబుల్ చేయాలి లేదా మీ ఫ్యామిలీ గ్రూప్ నుండి నిష్క్రమించాలి. కేవలం Google One ప్లాన్ మేనేజర్‌లు మాత్రమే Google One మెంబర్‌షిప్‌నకు ఫ్యామిలీ మెంబర్‌లను జోడించగలరు, అందులో ఫ్యామిలీ షేరింగ్‌ను ఎనేబుల్ లేదా డిజేబుల్ చేయగలరు.

మీరు Google Oneలోని ఫ్యామిలీ గ్రూప్‌లో భాగమైతే, మీ ఫ్యామిలీ గ్రూప్‌లోని మెంబర్‌లు మీ గురించిన నిర్దిష్ట సమాచారాన్ని చూడగలరు. మీరు Google One ఫ్యామిలీ షేరింగ్ ఎనేబుల్ చేసి ఉండే ఫ్యామిలీ గ్రూప్‌లో చేరితే, సదరు ఫ్యామిలీ గ్రూప్‌లోని ఇతర మెంబర్‌లు, ఆహ్వానితులు మీ పేరు, ఫోటో, ఈమెయిల్ అడ్రస్, మీరు బ్యాకప్ చేసిన పరికరాలు, అలాగే మీరు Google Drive, Gmail, Google Photosలో వినియోగించే స్పేస్ మొత్తాన్ని చూడగలుగుతారు. పరిమిత హక్కులు గల మెంబర్ బెనిఫిట్‌ను ఫ్యామిలీ మెంబర్ రిడీమ్ చేసి ఉంటే కూడా ఫ్యామిలీ గ్రూప్ మెంబర్‌లు కూడా చూడగలరు.

.మీరు మీ ఫ్యామిలీ గ్రూప్‌లోని Google One ప్లాన్ మేనేజర్ అయితే, అలాగే మీరు ఫ్యామిలీ షేరింగ్‌ను డిజేబుల్ చేస్తే లేదా మీ ఫ్యామిలీ గ్రూప్ నుండి నిష్క్రమిస్తే, మీ ఫ్యామిలీ గ్రూప్‌లోని ఇతర మెంబర్‌లు కూడా Google Oneకు యాక్సెస్‌ను కోల్పోతారు. మీకు మీ Google One ప్లాన్ మేనేజర్ ద్వారా ఫ్యామిలీ షేరింగ్‌తో Google Oneకు యాక్సెస్ మంజూరు అయి ఉంటే, మీరు మీ ఫ్యామిలీ గ్రూప్ నుండి నిష్క్రమించడం లేదా మీ Google One ప్లాన్ మేనేజర్ ఫ్యామిలీ షేరింగ్‌ను నిలిపివేయడం లేదా ఫ్యామిలీ గ్రూప్ నుండి వెళ్లిపోవడం వలన Google Oneకు యాక్సెస్‌ను కోల్పోతారు.

6. మొబైల్ బ్యాకప్, రీస్టోర్

అర్హత గల మొబైల్ పరికరాలు, మొబైల్ ప్లాన్‌ల కోసం Google One మెరుగుపరిచిన డేటా బ్యాకప్‌ను, రీస్టోర్‌ను ('బ్యాకప్, రీస్టోర్') మీకు అందించవచ్చు. బ్యాకప్, రీస్టోర్‌ను ఉపయోగించడం కోసం Google Photos లాంటి అదనపు యాప్‌ల ఇన్‌స్టాలేషన్, యాక్టివేషన్ అవసరపడవచ్చు. మీరు ఎప్పుడైనా Google One యాప్‌లో మీ బ్యాకప్, రీస్టోర్ ఆప్షన్‌లను మార్చవచ్చు. మీ Google One మెంబర్‌షిప్ సస్పెండ్ చేయబడినా లేదా రద్దు చేయబడినా, నిర్ణీత కాలవ్యవధి తర్వాత Android బ్యాకప్ పాలసీలకు మీరు యాక్సెస్ కోల్పోయే అవకాశం ఉంటుంది.

7. స్పాన్సర్ చేసిన ప్లాన్‌లు

మీ నెట్‌వర్క్ ఆపరేటర్, ఇంటర్నెట్ సర్వీస్ ప్రొవైడర్ లేదా ఇతర థర్డ్ పార్టీ వంటి 'స్పాన్సర్ చేస్తున్న' Google యేతర పార్టీ అందించే 'స్పాన్సర్ చేసిన ప్లాన్' (సందర్భం ఏదైనప్పటికీ, 'స్పాన్సర్ చేసిన ప్లాన్') ద్వారా Google One మీకు అందించబడుతుంది. 'స్పాన్సర్ చేసిన ప్లాన్'‌ల కోసం అందుబాటులో ఉన్న ఏవైనా ఫీచర్‌లు లేదా ఫీజులు మీ 'స్పాన్సర్ చేస్తున్న' పార్టీ ద్వారా నిర్ణయించబడతాయి, Google One ధర సమాచారం, మీ 'స్పాన్సర్ చేసిన ప్లాన్' నియమాల గురించి సమాచారం కోసం మీరు వారి సర్వీస్ నియమాలను సూచించాలి. మీ 'స్పాన్సర్ చేస్తున్న' పార్టీ సహకారంతో లేదా నేరుగా Google One నుండి అప్‌గ్రేడ్ లేదా డౌన్‌గ్రేడ్ ఆప్షన్‌ను ఎంచుకోవడం ద్వారా మీ 'స్పాన్సర్ చేసిన ప్లాన్'‌ను మీరు అప్‌గ్రేడ్ లేదా డౌన్‌గ్రేడ్ చేయవచ్చు, (ఈ విధమైన సందర్భంలో ఇక్కడ ఉండే పేమెంట్, సబ్‌స్క్రిప్షన్ నియమాలు మీ అప్‌గ్రేడ్ లేదా డౌన్‌గ్రేడ్‌కు వర్తిస్తాయి). 'స్పాన్సర్ చేసిన ప్లాన్' ద్వారా Google Oneకి మీ అర్హత, నిరంతర యాక్సెస్ అన్నవి 'స్పాన్సర్ చేస్తున్న' పార్టీ ద్వారా గుర్తించబడతాయి, అలాగే 'స్పాన్సర్ చేస్తున్న' పార్టీ ఎప్పుడైనా మీ 'స్పాన్సర్ చేసిన ప్లాన్'‌ను సస్పెండ్ చేయవచ్చు లేదా ముగించవచ్చు.

8 గోప్యత

Google ఈ నియమాలలో వివరించినట్లుగా, Google గోప్యతా పాలసీకి అనుగుణంగా మీకు Google Oneను అందించడానికి మీరు అందించిన సమాచారాన్ని సేకరిస్తుంది, ఉపయోగిస్తుంది. Google One సర్వీస్‌లను అందించడానికి, మీ లావాదేవీలను ప్రాసెస్ చేయడానికి లేదా Google Oneను మేనేజ్ చేయడానికి, మెరుగుపరచడానికి మేము మీ Google One వినియోగం గురించిన సమాచారాన్ని సేకరించి, వినియోగించవచ్చు. మేము Google Oneను మెరుగుపరచడానికి లేదా మీకు ప్రయోజనాలను అందించడానికి మీ ఇతర Google సర్వీస్‌ల గురించిన సమాచారాన్ని కూడా ఉపయోగించవచ్చు. మీరు మీ Google యాక్టివిటీ సేకరణ, వినియోగాన్ని myaccount.google.com.

లింక్‌లో కంట్రోల్ చేయవచ్చు. థర్డ్ పార్టీ 'పరిమిత హక్కులు గల మెంబర్ బెనిఫిట్‌ల' పట్ల మీ అర్హత లేదా మీ రిడెంప్షన్‌ను లేదా 'స్పాన్సర్ చేసిన ప్లాన్' లేదా ట్రయల్ మెంబర్‌షిప్ కోసం మీ అర్హతను గుర్తించడంతో సహా మేము Google Oneను అందించడానికి అవసరమయ్యే మీ గురించిన నిర్ణీత సమాచారాన్ని థర్డ్ పార్టీలతో షేర్ చేయవచ్చు. మీ ఫ్యామిలీ గ్రూప్ Google One స్టేటస్, సబ్‌స్క్రిప్షన్ గురించిన సమాచారాన్ని అందించడానికి మేము మీ గురించిన సమాచారాన్ని కూడా మీ ఫ్యామిలీ గ్రూప్‌తో షేర్ చేయవచ్చు.

మీ Google One వినియోగానికి సంబంధించి, మేము మీకు సర్వీస్ అనౌన్స్‌మెంట్‌లు, అడ్మినిస్ట్రేషన్ సంబంధిత మెసేజ్‌లు, ఇతర సమాచారాన్ని పంపవచ్చు. మేము మీ 'పరిమిత హక్కులు గల మెంబర్ బెనిఫిట్‌ల'కు సంబంధించిన ఈమెయిల్స్, పరికర నోటిఫికేషన్‌లను కూడా మీకు పంపే అవకాశం ఉంది. మీరు ఆ కమ్యూనికేషన్‌లలో కొన్నింటిని నిలిపివేయవచ్చు.

9 మార్పులు

మేము Google Oneకు మార్పులు చేసేందుకు హక్కును కలిగి ఉన్నాము, అలాగే మరిన్ని లేదా విభిన్న రకాల ఫీచర్‌లను అందించడానికి Google Oneను మార్చవచ్చు. మీ Google One సబ్‌స్క్రిప్షన్ అన్నది సబ్‌స్క్రైబ్ చేసుకునే సమయంలోని Google One స్వరూపానికి అనుగుణంగా ఉంటుందని అంగీకరిస్తున్నారు. 2వ విభాగంలో పైన ప్రస్తావించిన విధంగా, మేము ఎప్పటికప్పుడు Google Oneకు సంబంధించి వివిధ నియమాలు, శ్రేణులను అందించవచ్చు, అలాగే అటువంటి నియమాలు లేదా శ్రేణుల సబ్‌స్క్రిప్షన్ ఫీజు వేర్వేరుగా ఉండవచ్చు.

10. ఉపసంహరణ

Google ఈ నియమాల ఉల్లంఘన కారణంతో సహా వేటి కోసమైనా మీకు Google Oneను అందించడం ఆపివేయవచ్చు. మీరు 'స్పాన్సర్ చేసిన ప్లాన్'‌లో ఉంటే, మీ 'స్పాన్సర్ చేస్తున్న' పార్టీ ద్వారా కూడా మీ Google One యాక్సెస్‌ను సస్పెండ్ చేయవచ్చు లేదా ముగించవచ్చు. మీకు సమంజసమైన నోటీసు ఇచ్చిన తర్వాత, ఏ సమయంలోనైనా Google Oneను సస్పెండ్ చేయడానికి లేదా ముగించడానికి Googleకు హక్కు ఉంటుంది.