Google One கூடுதல் சேவை விதிமுறைகள்

நீங்கள் Google One திட்ட நிர்வாகியாக இருந்தாலும் Google One சேவையைப் பகிர்ந்துகொள்ளும் குடும்பக் குழுவைச் சேர்ந்தவராக இருந்தாலும் உறுப்பினர் அல்லாத பயனராக இருந்தாலும் Google One சேவையைப் பயன்படுத்துவதற்கும் அணுகுவதற்கும், (1) Google சேவை விதிமுறைகளையும் (2) Google Oneனின் இந்தக் கூடுதல் சேவை விதிமுறைகளையும் (“Google One கூடுதல் விதிமுறைகள்”) ஏற்க வேண்டும்.

இந்த ஆவணங்கள் ஒவ்வொன்றையும் மிகக் கவனமாகப் படிக்கவும். இந்த ஆவணங்கள் மொத்தமாக “விதிமுறைகள்” எனப்படும். எங்கள் சேவைகளைப் பயன்படுத்தும்போது எங்களிடமிருந்து நீங்கள் என்ன எதிர்பார்க்கலாம் என்பதையும் உங்களிடமிருந்து நாங்கள் என்ன எதிர்பார்க்கிறோம் என்பதையும் இவை தெளிவுபடுத்துகின்றன.

ஃபிரான்சில் உள்ள Google One வாடிக்கையாளர்களைத் தவிர இந்த Google One கூடுதல் விதிமுறைகள் Google சேவை விதிமுறைகளுடன் முரண்பட்டால், இந்தக் கூடுதல் விதிமுறைகளே Google One சேவைக்குப் பொருந்தும்.

இந்த விதிமுறைகளின் ஒரு பகுதியாக இல்லாவிட்டாலும்கூட உங்கள் தகவல்களை எவ்வாறு மாற்றுவது, நிர்வகிப்பது, பதிவிறக்குவது, நீக்குவது போன்றவற்றைத் தெளிவாகப் புரிந்துகொள்ள எங்கள் தனியுரிமைக் கொள்கையைப் படிக்கும்படி பரிந்துரைக்கிறோம்.

1. Google One குறித்த பொதுவான விளக்கம்

Google சேவைகள் & உதவிகளைப் பெறுவதற்கான ஓர் இடத்தை உங்களுக்கு வழங்குவதற்கும் ரிவார்டுகள் & சலுகைகளை வழங்குவதற்கும் புதிய அம்சங்கள் மற்றும் தயாரிப்புகளைக் கண்டறிவதற்குமாக Google One சேவையை Google உருவாக்கியுள்ளது. Google Drive, Google Photos, Gmail ஆகியவற்றில் பகிர்ந்து பயன்படுத்தக்கூடிய கட்டணச் சேமிப்பகத் திட்டங்கள், சில குறிப்பிட்ட Google தயாரிப்புகளுக்கான வாடிக்கையாளர் உதவிச் சேவைகள், குடும்பப் பகிர்வு அம்சங்கள், மொபைல் காப்புப் பிரதி & மீட்டெடுத்தல், Google அல்லது மூன்றாம் தரப்பினர் மூலம் உங்களுக்கு வழங்கப்படும் பிற பலன்கள் ஆகியவை Google One அம்சங்களில் உள்ளடங்கியிருக்கலாம். Googleளின் பிற தயாரிப்புகள் அல்லது சேவைகளின் உபயோகம் அந்தந்தத் தயாரிப்புகள் அல்லது சேவைகளுக்கான சேவை விதிமுறைகளால் நிர்வகிக்கப்படுகிறது. சில தயாரிப்புகள், அம்சங்கள் மற்றும் பலன்கள் சில நாடுகளில் கிடைக்காமல் போகலாம். கூடுதல் தகவலுக்கு Google One உதவி மையத்தைப் பார்க்கவும்.

2. கட்டணம் செலுத்தப்பட்ட கணக்குகள் - பேமெண்ட், சந்தா மற்றும் பணத்தைத் திரும்பப்பெறுதல்

பேமெண்ட்டுகள். Google One திட்ட நிர்வாகிகள் மட்டுமே Google One மெம்பர்ஷிப்பை வாங்கலாம், மேம்படுத்தலாம், முந்தைய திட்டத்திற்கு மாறலாம் அல்லது ரத்துசெய்யலாம். Google Payments கணக்கு மூலமாகவோ பர்ச்சேஸ் செய்யும் முன்பு குறிப்பிடப்பட்ட வேறொரு பேமெண்ட் வகையின் மூலமாகவோ Google பேமெண்ட்டை ஏற்றுக்கொள்கிறது.

சந்தாவை ரத்துசெய்தல். Google One மெம்பர்ஷிப்பிற்கு நீங்கள் பதிவு செய்த தேதியிலிருந்து Google Paymentsஸுக்கான கட்டணம் தானாகவே பெறப்படும், மற்றும் ரத்துசெய்யப்படாத வரை உங்கள் Google One சந்தா தானாகவே புதுப்பிக்கப்படும். நீங்கள் எப்போது வேண்டுமானாலும் சந்தாவை ரத்துசெய்யலாம். சந்தாவை ரத்துசெய்தாலும், உங்கள் தற்போதைய சந்தாவின் மீதமுள்ள காலத்திற்கு Google One சேவைக்கான அணுகல் உங்களுக்குத் தொடர்ந்து கிடைக்கும். கூடுதலாக, சேவை நீக்கம் மூலம் Google Oneனை நீக்குவதற்காகத் தேர்வுசெய்தால் Google One சேவைகள் & செயல்பாடுகளுக்கான அணுகலைத் தற்போதைய சந்தாவின் மீதமுள்ள நாட்களுக்கான பணத்தைத் திரும்பப்பெறாமலேயே உடனடியாக இழக்க நேரிடும் என்பதை ஒப்புக்கொள்கிறீர்கள். மீதமுள்ள சந்தா காலத்தில் Google One சேவைகளைப் பயன்படுத்த விரும்பினால் Google Oneனை நீக்குவதற்குப் பதில் உங்கள் சந்தாவை ரத்துசெய்யவும்.

விலகுவதற்கான உரிமை. நீங்கள் ஐரோப்பிய ஒன்றியத்திலோ யுனைடெட் கிங்டமிலோ இருந்தால் காரணங்கள் எதுவும் வழங்காமலேயே, உங்கள் Google One மெம்பர்ஷிப்பை மேம்படுத்துவதற்காகவோ புதுப்பிப்பதற்காகவோ பதிவு செய்த 14 நாட்களுக்குள் அதை ரத்து செய்ய உங்களுக்கு உரிமை உள்ளது. விலகுவதற்கான உரிமையைப் பயன்படுத்த, யாரிடம் மெம்பர்ஷிப்பைப் பர்ச்சேஸ் செய்தீர்களோ அந்த வழங்குநருக்குத் தெளிவான அறிக்கை மூலம் திரும்பப்பெறுவதற்கான உங்கள் முடிவைத் தெரிவிக்க வேண்டும்.

பணத்தைத் திரும்பப்பெறுதல். பணத்தைத் திரும்பப்பெறுவதற்கான கூடுதல் உரிமைகள் குறித்த விவரங்களுக்கு, Google Play அல்லது யாரிடம் மெம்பர்ஷிப்பைப் பர்ச்சேஸ் செய்தீர்களோ அந்த வழங்குநரின் தொடர்புடைய கொள்கையைப் பார்க்கவும். நீங்கள் Googleளில் இருந்து பர்ச்சேஸ் செய்திருந்தால், பொருந்தக்கூடிய சட்டத்தின்படி தேவையிருந்தால் தவிர வேறு எந்தக் காரணங்களுக்காகவும் பணத்தைத் திருப்பியளிப்பதோ பகுதியளவு காலத்திற்கு பில்லிங் செய்வதோ இயலாது. Googleளில் இருந்து அல்லாமல் உங்கள் iPhone/iPad மூலம் பர்ச்சேஸ் செய்திருந்தாலோ App Store அல்லது மூன்றாம் தரப்பு வழங்குநர் வழியாக Google One மெம்பர்ஷிப்பிற்குப் பதிவு செய்திருந்தாலோ வழங்குநரின் 'பணம் திரும்பப்பெறுதல்' கொள்கையே பொருந்தும். பணத்தைத் திரும்பப்பெறக் கோருவதற்கு, சம்பந்தப்பட்ட மூன்றாம் தரப்பையே (எ.கா. Apple உதவி மையம்) நீங்கள் அணுக வேண்டும்.

விலையில் மாற்றங்கள். அமலில் இருக்கும் Google One கட்டணங்களை நாங்கள் மாற்றக்கூடும், ஆனால் இந்த மாற்றங்களுக்கான அறிவிப்பை உங்களுக்கு முன்கூட்டியே வழங்குவோம். தற்போதைய கட்டணக் காலம் முடிவடைந்து மாற்றம் குறித்து உங்களுக்குத் தெரிவிக்கப்பட்ட பிறகு, அடுத்த கட்டணம் நிலுவையில் இருக்கும்போதுதான் இந்த மாற்றங்கள் நடைமுறைக்கு வரும். உங்களிடம் கட்டணம் வசூலிக்கப்படுவதற்குக் குறைந்தது 30 நாட்கள் முன்பாகவே கட்டண உயர்வைப் பற்றி உங்களுக்குத் தெரிவிப்போம். 30 நாட்களுக்குக் குறைவான கால இடைவெளியில் உங்களுக்கு அறிவிப்பு வழங்கப்பட்டால் நிலுவையிலுள்ள அடுத்த கட்டணத்திற்குப் பிறகு வரும் கட்டணம் வரை மாற்றம் நடைமுறைக்கு வராது. புதிய விலையில் Google One சேவையைத் தொடர விரும்பவில்லை எனில் உங்கள் Google Play, Apple அல்லது மூன்றாம் தரப்பின் சந்தா அமைப்புகளுக்குச் சென்று எப்போது வேண்டுமானாலும் சந்தாவை ரத்துசெய்யலாம் அல்லது முந்தைய திட்டத்திற்கு மாற்றிக்கொள்ளலாம். பொருந்தக்கூடிய பேமெண்ட் பிளாட்ஃபார்மின் விதிமுறைகளில் குறிப்பிடப்பட்டிருந்தால் தவிர, ரத்துசெய்வதும் முந்தைய திட்டத்திற்கு மாற்றுவதும் தற்போதைய சேவைக் காலத்திற்குப் பிறகான அடுத்த பில்லிங் காலத்தில் செயல்படுத்தப்படும். விலை உயர்விற்கு உங்கள் ஒப்புதல் தேவையென அதில் குறிப்பிடப்பட்டிருக்கும்போது, புதிய விலையை நீங்கள் ஒப்புக்கொள்ளாவிட்டால் உங்கள் சந்தா ரத்துசெய்யப்படலாம். உங்கள் சந்தா ரத்துசெய்யப்பட்டு, பின்னர் நீங்கள் மீண்டும் சந்தா பெற முடிவு செய்தால் அப்போதைய சந்தாக் கட்டணம் பெறப்படும்.

3. வாடிக்கையாளர் உதவிச் சேவைகள்

பல்வேறு Google தயாரிப்புகள் மற்றும் சேவைகள் (“வாடிக்கையாளர் உதவிச் சேவைகள்”) அனைத்திற்கும் உரிய வாடிக்கையாளர் உதவிச் சேவைகளுக்கான அணுகலை Google One உங்களுக்கு வழங்குகிறது. வாடிக்கையாளர் உதவிச் சேவைகளால் உங்கள் சிக்கலைத் தீர்க்க உதவ முடியாவிட்டால், தொடர்புடைய Google தயாரிப்புக்கான வாடிக்கையாளர் சேவைகளுக்கு உங்கள் கோரிக்கையை நாங்கள் மாற்றலாம் அல்லது அவர்களை நீங்கள் தொடர்புகொள்ள வழிவகுக்கலாம். உதவி கோரப்படும் குறிப்பிட்ட Google தயாரிப்பு அல்லது சேவைக்கான வாடிக்கையாளர் உதவிச் சேவைகளை Google One வழங்காத சூழல்களும் இதில் அடங்கும். உங்களுடைய Google One சந்தா ரத்துசெய்யப்பட்டாலோ இடைநிறுத்தப்பட்டாலோ வாடிக்கையாளர் உதவிச் சேவைகளால் தீர்க்கப்படாதிருக்கும் சிக்கல்களும் இடைநிறுத்தப்படலாம் மற்றும் உங்கள் சந்தாவை மீண்டும் தொடங்கிய பிறகு புதிதாக ஒரு கோரிக்கையை நீங்கள் தொடங்க வேண்டியதிருக்கலாம்.

4. அணுகல் வரம்புள்ள உறுப்பினர்களுக்கான பலன்கள்

உள்ளடக்கம், தயாரிப்புகள், சேவைகள் ஆகியவற்றை ('அணுகல் வரம்புள்ள உறுப்பினர்களுக்கான பலன்கள்') தள்ளுபடி விலையிலோ கட்டணம் இல்லாமலோ Google One வழங்கக்கூடும். நாடு, வழங்கல், சந்தாவின் கால அளவு, மெம்பர்ஷிப் நிலை மற்றும் பிற காரணிகளின் அடிப்படையில் அணுகல் வரம்புள்ள உறுப்பினர்களுக்கான பலன்கள் வரம்பிடப்படலாம், அணுகல் வரம்புள்ள உறுப்பினர்களுக்கான சில பலன்கள் Google One சந்தாதாரர்கள் சிலருக்குக் கிடைக்காது. அணுகல் வரம்புள்ள உறுப்பினர்களுக்கான சில பலன்கள் Google One திட்ட நிர்வாகி மட்டுமே ரிடீம் செய்யக்கூடியவையாக இருக்கலாம் மற்றும் சில பலன்கள் உங்கள் குடும்பக் குழுவின் உறுப்பினர்களோ முதலாவதாக ரிடீம் செய்யும் குடும்ப உறுப்பினர் மட்டுமோ ரிடீம் செய்யக்கூடியவையாக இருக்கலாம். அணுகல் வரம்புள்ள உறுப்பினருக்கான சில பலன்களைச் சிறுவர்கள், டீன் ஏஜர்கள், கட்டணமில்லாமல் உபயோகிக்கும் பயனர்கள் ஆகியோருக்கான Google கணக்குகளின் மூலம் ரிடீம் செய்ய முடியாது. பிற தகுதிநிலை நிபந்தனைகளும் பொருந்தக்கூடும்.

மூன்றாம் தரப்பினரின் சேவைகள் அல்லது உள்ளடக்கத்தை அணுகல் வரம்புள்ள உறுப்பினருக்கான பலன்களாக Google One மூலம் உங்களுக்கு வழங்க அவர்களுடன் நாங்கள் இணைந்து செயலாற்றக்கூடும். மூன்றாம் தரப்பினர் வழங்கும் அணுகல் வரம்புள்ள உறுப்பினருக்கான பலனை நீங்கள் ரிடீம் செய்ய, அதைச் செயலாக்குவதற்குத் தேவைப்படும் தனிப்பட்ட தகவல் எதையும் Google தனியுரிமைக் கொள்கையின்படி மூன்றாம் தரப்பினருக்கு Google வழங்கலாம் என்பதை ஒப்புக்கொள்கிறீர்கள். மூன்றாம் தரப்பு வழங்கும் அணுகல் வரம்புள்ள உறுப்பினருக்கான பலன்களின் உங்கள் உபயோகம் அந்த மூன்றாம் தரப்பினரின் பயன்பாட்டு விதிமுறைகள், உரிம ஒப்பந்தம், தனியுரிமைக் கொள்கை, இதுபோன்ற பிற ஒப்பந்தங்கள் போன்றவற்றால் நிர்வகிக்கப்படலாம்.

5. குடும்பங்கள்

உங்களிடம் குடும்பக் குழு (“குடும்பப் பகிர்வு”) இருந்தால் Drive, Gmail, Photos ஆகியவற்றுக்கான சேமிப்பிடம் உள்ளிட்ட Google One சேவையின் சில அம்சங்களை அதன் உறுப்பினர்களுடன் பகிரலாம். உங்களுக்கென வழங்கப்படும் அணுகல் வரம்புள்ள உறுப்பினருக்கான பலன்களை உங்கள் குடும்பக் குழு உறுப்பினர்களும் பெறலாம், ரிடீம் செய்யலாம். இத்தகைய அம்சங்களை உங்கள் குடும்பக் குழுவுடன் பகிர விரும்பவில்லை எனில், Google One சேவைக்கான குடும்பப் பகிர்வை நீங்கள் முடக்க வேண்டும் அல்லது குடும்பக் குழுவிலிருந்து வெளியேற வேண்டும். Google One மெம்பர்ஷிப்பில், Google One திட்ட நிர்வாகிகள் மட்டுமே குடும்ப உறுப்பினர்களைச் சேர்க்கலாம், குடும்பப் பகிர்வை இயக்கலாம்/முடக்கலாம்.

Google One குடும்பக் குழு ஒன்றில் நீங்கள் இருந்தால், உங்கள் குடும்பக் குழுவின் உறுப்பினர்கள் உங்களைப் பற்றிய குறிப்பிட்ட சில தகவல்களைப் பார்க்க முடியும். Google One குடும்பப் பகிர்வு இயக்கப்பட்ட குடும்பக் குழுவில் நீங்கள் சேர்ந்தால், குடும்பக் குழுவின் பிற உறுப்பினர்களும் அதில் சேர அழைக்கப்படுபவர்களும் உங்கள் பெயர், படம், மின்னஞ்சல் முகவரி, நீங்கள் காப்புப் பிரதி எடுத்திருக்கும் சாதனங்கள், Google Drive, Gmail, Google Photos ஆகியவற்றில் நீங்கள் பயன்படுத்தும் சேமிப்பக அளவு போன்றவற்றைப் பார்க்கக்கூடும். அணுகல் வரம்புள்ள உறுப்பினருக்கான பலனைக் குடும்ப உறுப்பினர் ரிடீம் செய்துள்ளாரா என்பதையும் குடும்பக் குழுவின் உறுப்பினர்கள் பார்க்க முடியும்.

உங்கள் குடும்பக் குழுவில் நீங்கள் Google One திட்ட நிர்வாகியாக இருந்து குடும்பப் பகிர்வை முடக்கினாலோ குடும்பக் குழுவிலிருந்து வெளியேறினாலோ உங்கள் குடும்பக் குழுவில் உள்ள பிற உறுப்பினர்கள் Google One சேவைக்கான அணுகலை இழப்பார்கள். குடும்பப் பகிர்வின் மூலம் உங்கள் Google One திட்ட நிர்வாகி Google One சேவைக்கான அணுகலை உங்களுக்கு வழங்கியிருந்தால், குடும்பக் குழுவிலிருந்து நீங்கள் வெளியேறினாலோ உங்கள் Google One திட்ட நிர்வாகி குடும்பப் பகிர்வை முடக்கினாலோ குடும்பக் குழுவிலிருந்து அவர் வெளியேறினாலோ Google One சேவைக்கான அணுகலை நீங்கள் இழப்பீர்கள்.

6. மொபைல் காப்புப் பிரதி & மீட்டெடுத்தல்

தகுதிபெறும் மொபைல் சாதனங்கள், மொபைல் திட்டங்களுக்கான மேம்படுத்தப்பட்ட தரவுக் காப்புப் பிரதி & மீட்டெடுத்தல் (காப்புப் பிரதி & மீட்டெடுத்தல்) அம்சத்தை Google One உங்களுக்கு வழங்கக்கூடும். காப்புப் பிரதி & மீட்டெடுத்தல் அம்சத்தைப் பயன்படுத்துவதற்கு Google Photos போன்ற சில கூடுதல் ஆப்ஸை நிறுவி அவற்றைச் செயல்படுத்த வேண்டியிருக்கலாம். காப்புப் பிரதி & மீட்டெடுத்தல் விருப்பத்தேர்வுகளை Google One ஆப்ஸில் எப்போது வேண்டுமானாலும் மாற்றிக்கொள்ளலாம். உங்கள் Google One மெம்பர்ஷிப் இடைநிறுத்தப்பட்டாலோ ரத்துசெய்யப்பட்டாலோ காப்புப் பிரதி & மீட்டெடுத்தல் அம்சத்தின் மூலம் சேமிக்கப்பட்ட தரவுக்கான அணுகலைக் குறிப்பிட்ட காலத்திற்குப் பிறகு Android காப்புப் பிரதிக் கொள்கைகளின்படி நீங்கள் இழக்க நேரிடும்.

7. ஸ்பான்சர் செய்யப்பட்ட திட்டங்கள்

நெட்வொர்க் ஆபரேட்டர், இணையச் சேவை வழங்குநர், பிற மூன்றாம் தரப்பு நிறுவனம் போன்ற Google அல்லாத தரப்பு வழங்கும் ஒரு ஸ்பான்சர் செய்யப்பட்ட திட்டத்தின் (எதுவானாலும், ஒரு “ஸ்பான்சர் செய்யப்பட்ட திட்டம்”) மூலம் Google One சேவை உங்களுக்கு வழங்கப்படலாம். கிடைக்கும் அம்சங்கள் அல்லது ஸ்பான்சர் செய்யப்படும் திட்டங்களுக்கான கட்டணங்கள் ஸ்பான்சர் செய்யும் தரப்பினால் நிர்ணயிக்கப்படுகின்றன. Google One சேவைக்கான விலைத் தகவல் மற்றும் உங்களுக்கு ஸ்பான்சர் செய்யப்பட்ட திட்டத்தின் விதிமுறைகளைப் பற்றி நீங்கள் தெரிந்துகொள்ள அவர்களின் சேவை விதிமுறைகளைப் பார்க்க வேண்டும். உங்களுக்கு ஸ்பான்சர் செய்த தரப்பின் மூலமாகவே ஸ்பான்சர் செய்யப்பட்ட திட்டத்தை மேம்படுத்தலாம், முந்தைய திட்டத்திற்கு மாறலாம் (அவ்வாறு செய்யும் பட்சத்தில், மேம்படுத்துதல், முந்தைய திட்டத்திற்கு மாறுதல் ஆகியவற்றுக்கான அவர்களின் கட்டணமும் சந்தா விதிமுறைகளும் பொருந்தும்) அல்லது நேரடியாக Google One ஆப்ஸில் மேம்படுத்துதல்/முந்தைய திட்டத்திற்கு மாறுதல் விருப்பத்தைத் தேர்ந்தெடுக்கலாம் (அவ்வாறு செய்யும் பட்சத்தில், மேம்படுத்துதல், முந்தைய திட்டத்திற்கு மாறுதல் ஆகியவற்றுக்கான இங்குள்ள கட்டணமும் சந்தா விதிமுறைகளும் பொருந்தும்). ஸ்பான்சர் செய்யப்படும் திட்டத்தின் மூலம் Google One சேவையை அணுகுவதற்கான உங்கள் தகுதிநிலையும் சேவைக்கான தொடர்ந்த அணுகலும் ஸ்பான்சர் செய்யும் தரப்பினால் தீர்மானிக்கப்படுகின்றன மற்றும் உங்களுக்கு ஸ்பான்சர் செய்த திட்டத்தை எப்போது வேண்டுமானாலும் ஸ்பான்சர் செய்த தரப்பு இடைநிறுத்தலாம் முடக்கலாம்.

8. தனியுரிமை

Google தனியுரிமைக் கொள்கைக்கு இணங்க, இந்த விதிமுறைகளில் விளக்கப்பட்டுள்ளபடி Google One சேவையை உங்களுக்கு வழங்குவதற்காக நீங்கள் வழங்கிய தகவலை Google சேகரித்துப் பயன்படுத்துகிறது. Google One சேவைகளை உங்களுக்கு வழங்குவதற்காகவும் உங்கள் பரிவர்த்தனைகளைச் செயலாக்குவதற்காகவும் மட்டுமன்றி Google One சேவையைப் பராமரிப்பதற்காகவும் மேம்படுத்துவதற்காகவும் உங்கள் Google One சேவை உபயோகம் குறித்த தகவலை நாங்கள் சேகரிக்கலாம் பயன்படுத்தலாம். Google One சேவையை மேம்படுத்துதல், உங்களுக்கான பலன்களை வழங்குதல், Google One சேவையைச் சந்தைப்படுத்துதல் போன்றவற்றுக்காக, பிற Google சேவைகளை நீங்கள் உபயோகிப்பது குறித்த தகவலையும் நாங்கள் பயன்படுத்தக்கூடும். உங்கள் Google செயல்பாட்டை நாங்கள் சேகரிப்பதையும் பயன்படுத்துவதையும் myaccount.google.com தளத்திற்குச் சென்று நீங்கள் கட்டுப்படுத்தலாம்.

Google One சேவையை உங்களுக்கு வழங்குவதற்கும், சேவையைப் பெறுவதற்கான தகுதிநிலை, பலன்களை ரிடீம் செய்தல், மூன்றாம் தரப்பு வழங்கும் அணுகல் வரம்புள்ள உறுப்பினருக்கான பலன்கள், ஸ்பான்சர் செய்யப்படும் திட்டம் அல்லது கட்டணமற்ற மெம்பர்ஷிப்பைப் பெறுவதற்கான தகுதிநிலை போன்றவற்றைத் தீர்மானிப்பதற்கும் தேவைப்படும் சில தகவல்களை மூன்றாம் தரப்பினருடன் நாங்கள் பகிரக்கூடும். உங்கள் குடும்பக் குழுவின் Google One நிலை மற்றும் சந்தாவைப் பற்றிய தகவலை வழங்குவதற்காக உங்களைப் பற்றிய தகவலை உங்கள் குடும்பக் குழுவில் உள்ளவர்களுடன் நாங்கள் பகிரலாம்.

உங்கள் Google One உபயோகம் தொடர்பான சேவை அறிவிப்புகள், நிர்வாகச் செய்திகள் மற்றும் பிற தகவலை உங்களுக்கு நாங்கள் அனுப்பக்கூடும். அணுகல் வரம்புள்ள உறுப்பினருக்கான பலன்களுடன் தொடர்புடைய மின்னஞ்சல்கள் மற்றும் சாதன அறிவிப்புகள் போன்றவற்றையும் நாங்கள் அனுப்பக்கூடும். அத்தகைய தகவல்தொடர்புகள் சிலவற்றிற்கு நீங்கள் ஒப்புதல் நீக்கிக்கொள்ளலாம்.

9. மாற்றங்கள்

Google One சேவையில் மாற்றங்கள் செய்வதற்கான முழு அதிகாரம் எங்களுக்கு உள்ளது, கூடுதலான அல்லது வேறுபட்ட அம்சங்களை வழங்குவதற்காக Google One மாற்றியமைக்கப்படலாம். Google One சேவைக்கான உங்கள் சந்தா, Google One சந்தாவை நீங்கள் வாங்கியபோது இருந்த அம்சங்களுக்கானது என்பதை ஒப்புக்கொள்கிறீர்கள். மேலே பிரிவு 2ல் குறிப்பிட்டபடி, அவ்வப்போது, Google one சேவைக்காக வெவ்வேறு விதிமுறைகளையும் நிலைகளையும் நாங்கள் வழங்கலாம் மற்றும் அத்தகைய விதிமுறைகள்/நிலைகளுக்கான சந்தாக் கட்டணமும் மாறுபடலாம்.

10. முடக்குதல்

Google One சேவைகளை உங்களுக்கு வழங்குவதை, இந்த விதிமுறைகளை மீறுதல் உள்ளிட்ட காரணங்களுக்காக Google எந்த நேரத்திலும் நிறுத்தலாம். ஸ்பான்சர் செய்யப்பட்ட திட்டத்தைப் பயன்படுத்தினால் ஸ்பான்சர் செய்யும் தரப்பாலும் Google One சேவை இடைநிறுத்தப்படலாம்/முடக்கப்படலாம். எந்த நேரத்திலும் Google One சேவைக்கான உங்கள் அணுகலை முறையான அறிவிப்புடன் இடைநிறுத்தவோ முடக்கவோ Googleளுக்கு முழு அதிகாரம் உள்ளது.